Ek waqt tha jab thode se kaam chal jaata tha

Aaj jahaan kum padta hai

Halki si muskaan chehre pe laane mein

Lamba samay lagta hai

Kal socha tha ki kaash kal aaj jaisa ho

Aaj sochta hoon ki kal main kitna chota sochta tha

Jaane kyun ye bhool jaata hoon

Ki kabhi kabhi chota sochna hi accha hota hai

Halki si muskaan chehre pe laane mein

Lamba samay lagta hai

Naam hai, paisa hai

Uske bina bhi sab kuch khasa badhiya hai

Phir bhi koi toh baat hogi usmein 

Jo sab kuch kaam chalau lagta hai 

Halki si muskaan chehre pe laane mein

Lamba samay lagta hai

Badal jaaonga toh duniya bura maanegi

Phir se wohi ban jaaoonga

Toh woh kaunsa pehchanegi

Badalne mein nahi, janaab aaj kal samjhane mein waqt lagta hai

Halki si muskaan chehre pe laane mein

Lamba samay lagta hai

Kal hi ki baat hai

Maa ne poocha beta tu theek toh hai naa

Maine kaha nahi

Usne haan suna lagta hai

Halki si muskaan chehre pe laane mein

Lamba samay lagta hai